Градоначалникот на Општина Ѓорче Петров, Александар Стојкоски присуствуваше на Велигденскиот ручек организиран од претседателот на Владата, проф. д-р Христијан Мицкоски.

Настанот се одржа во духот на најголемиот христијански празник Велигден, при што беа споделени пораки на заедништво, почит и надеж. Во оваа свечена атмосфера, се истакна значењето на меѓусебната соработка, солидарноста и посветеноста кон градење подобра иднина за сите граѓани.

Градоначалникот нагласи дека Велигден е симбол на обновата и вербата, потсетувајќи дека токму преку единство, одговорност и заедничка работа може да се постигнат значајни резултати за општеството.

Општина Ѓорче Петров останува посветена на вредностите кои обединуваат и водат кон напредок, со јасна визија за развој и подобрување на квалитетот на живот на сите граѓани.