Во ООУ „Тихомир Милошевски“ свечено беше одбележан патрониот празник на училиштето, преку богата и инспиративна културно-уметничка програма која уште еднаш ја истакна важноста на љубовта, заедништвото и посветеноста во воспитно-образовниот процес.

Настанот беше исполнет со извонредни музички изведби, впечатливи сценски настапи и содржини инспирирани од македонската традиција и култура, кои предизвикаа силни емоции кај присутните. Учениците, со својата креативност, талент и искрена посветеност, покажаа дека кога се работи со љубов се создава вистинска магија.

Патрониот празник беше можност да се оддаде почит на вредностите кои училиштето ги негува со години, но и да се потврди неговата улога како средина во која се развиваат млади, успешни и одговорни личности.

Од училиштето упатија порака дека љубовта, заедништвото и посветеноста остануваат темелите врз кои се гради иднината, изразувајќи благодарност до учениците, наставниците и родителите за нивниот придонес.