Континуираното инвестирање во знаење, сигурност и заштита на вработените останува еден од клучните приоритети на Општина Ѓорче Петров. Со таа цел, беше реализирана нова обука за безбедност и здравје при работа, наменета за унапредување на свесноста и практичните знаења на вработените.

Обуката опфати теми поврзани со превенција од ризици, правилно постапување во работната средина и примена на безбедносни стандарди, со цел намалување на можните опасности и создавање побезбедни услови за работа.

За нас, безбедноста при работа не е формалност, туку сериозна обврска и долгорочна инвестиција. Преку вакви активности создаваме посигурна, поодговорна и поквалитетна работна средина за сите вработени.