Во духот на празничната радост и грижата за најмладите беше реализирана посета на локална детска градинка, исполнета со насмевки, детска смеа и топла празнична атмосфера. На децата им беа доделени едукативни подароци, со цел да се поттикне учењето преку игра како најприроден и најубав начин за развој во најраната возраст.

Посебно изненадување за најмалите беше пристигнувањето на Дедо Мраз, кој донесе дополнителна радост, позитивна енергија и празничен дух, разубавувајќи ги овие декемвриски денови и создавајќи незаборавни спомени за децата.

-Детската среќа е нашата најголема мотивација. Веруваме дека вложувањето во најмладите е вложување во подобра иднина. Затоа, и понатаму ќе продолжиме да поддржуваме активности насочени кон образованието, радоста и безгрижното детство – рече градоначалникот Александар Стојкоски.

Со ваквите активности се испраќа јасна порака за значењето на грижата, вниманието и поддршката кон децата, како темел на едно здраво и хумано општество.