Домот на културата во Општина Ѓорче Петров беше исполнет со детска радост, емоции и музика. По 16-ти пат се одржа Детскиот музички фестивал „Соната“, кој уште еднаш го потврди значењето на детската креативност и талент во културниот живот на општината.

На сцената беа изведени 11 детски музички композиции, посветени на детството, љубовта, убавината на светот и универзалните вредности што ги негуваат најмладите. Настанот остави силен впечаток кај публиката и претставуваше вистински празник на детската уметност.

Посебна благодарност упатуваме до наставниците Александар Китевски и Розета Дулевска од ООУ „Страшо Пинџур“ за нивната посветеност и континуиран ангажман во организацијата и развојот на фестивалот, како и до сите деца учесници кои подарија вечер за паметење.

Општина Ѓорче Петров и понатаму останува посветена на поддршката на детската креативност, уметност и талент, уверени дека вложувањето во децата претставува вложување во иднината.