Во просториите на Општина Ѓорче Петров беше одржана пријатна и топла новогодишна средба на градоначалникот Александар Стојкоски со дечиња од ОЈУДГ „Росица“, групата „Рипчиња“.

Со песна, насмевки и искрена детска радост, тие го донесоа вистинскиот новогодишен дух и создадоа посебна празнична атмосфера.

Посебно внимание привлече подарокот што децата го подарија за време на посетата – песна напишана од нив, која со својата искреност и едноставност ја отсликува детската креативност и чистата радост.

Оваа средба уште еднаш потсети дека суштината на празниците се наоѓа во човечката топлина, вниманието и споделените насмевки, а не само во надворешните украси.

Општина Ѓорче Петров упатува искрена благодарност до децата и воспитувачите од ОЈУДГ „Росица“ за ова прекрасно новогодишно изненадување и за радоста што ја донесоа.