Во Центарот за култура во Општина Ѓорче Петров од 18 до 20 септември граѓаните на Ѓорче Петров имаа можност да ја видат мултимедијалната изложба под наслов „Нашето глобално маало”. Истата беше  организирана од „Брашнар Креативен Проект “ - невладино Здружение за современа интердисциплинарна уметност и еколошки развој, во која работат и творат уметници од многу земји ширум светот.

Денешното празнување на празникот на општината Ѓорче Петров започна со ученичкиот крос на основните училишта од општината. Градоначалникот Сокол Митровски ги додели медалите на најуспешните тројца ученици кои први стигнаа до целта. Победник на овогодинешниот традиционален ученички крос е Никола Павлески од ООУ „ Ѓорче Петров.  Втор на целта пристигна Марио Станишиќ од ООУ „ Јоаким Крчоски“, а бронзениот медал го освои Александар Петковски од ООУ „ Димитар Поп Георгиев Беровски“.

Вчеравечер, на мултифункционалното игралиште во Ѓорче Петров, градоначалникот Сокол Митровски го додели пехарот и наградата од 120. 000 денари за освоеното прво место на четвртиот традиционален турнир во мал фудбал „Ѓорче Петров Куп 2017“. Во овој возбудлив спортски натпревар, екипата на „Скутери Влада Инвест Лесковац” славеше по изведувањето на пенали со 4-3, а во регуларниот дел натпреварот заврши со 1-1 за  „Светлост Куманово”. Учеството на екипата од Лесковац, Р. Србија посебно го збогати овој спортски настан која во овој состав има и играчи од фудсал репрезентацијата на Р. Србија,а додека во екипата на „Светлост Куманово“ играа играчи од фудсал репрезентацијата на Р. Македонија.

Денес над седумстотини деца од основните училишта  од Општина Ѓорче Петров го означија стартот на натпреварувачката сезона во која учество ќе земат сите шест основни училишта. Училишните екипи во голем фудбал, кошарка, фудбал, одбојка, пинг понг, тенис, атлетика ќе се натпреваруваат во текот на целата учебна година. По тој повод, денес, градоначалникот Сокол Митровски  додели спортски дресови во препознатливи бои и реквизити за сите учесници во лигата кои ќе продефилираат на стадионот „Македонски лавови“. За успешен почеток на  натпреварувачката сезона, градоначалникот Митровски на директорите на основните училишта  им   додели  и комплет спортски реквизити.