Во просториите на општина Ѓорче Петров беше потпишан меморандум за соработка меѓу локалната самоуправа и Центарот за управување со промени (ЦУП) за проект за партиципативно раководење со буџетот на општината. Градоначалникот Александар Наумоски и извршниот директор на ЦУП, Неда Малеска – Сачмароска го потпишаа меморандумот во рамки на проектот “Мои пари, моја одговорност: партиципативно раководење со буџетот на општините во Република Македонија”, кој е поддржан од УСАИД, спроведуван од мрежата на граѓански организации ФИСКАСТ, а ќе трае до мај 2020 година.

Градоначалникот на општина Ѓорче Петров, Александар Наумоски присуствуваше на новогодишен ручек организиран за лица со посебни потреби на покана на ресторанот “Камин кама”, лоциран во Ѓорче Петров. Наумоски ја искористи можноста на присутните да им ги честита претстојните новогодишни и божикни празници. Истовремено, градоначалникот истакна дека имајќи в предвид оти една од најранливите категории се лицата со посебни потреби, општината ќе изготви локална стратегија за подобрување на условите и на пристапноста за овие лица.

Градоначалникот на општина Ѓорче Петров, Александар Наумоски ја промовираше истурената канцеларија во населеното место Волково во која граѓаните од околните места, наместо во седиштето на општината, како досега, ќе може да поднесуваат барања, предлози и идеи во овој објект.

Поранешниот претседател на македонското Собрание, Стојан Андов ја посети општина Ѓорче Петров, каде беше пречекан од градоначалникот Александар Наумоски. Основачот на Либералната партија на Македонија и долгогодишен политичар на македонската политичка сцена му го честиташе изборот за градоначалник на Наумоски, и истовремено му посака успех во годините што следуваат како прв човек на општината.