По повод 11 Октомври Денот на народното востание во Р.Македонија делегација на општината Ѓорче Петров, предводена од Градоначалникот Сокол Митровски положи свежо цвеќе пред споменикот на паднатите борци на НОАВМ во реонскиот парк во општината. На свеченоста цвеќе положија и преставници од Советот на Општина Ѓорче Петров, Здруженија на борци и пензионери, преставници од политичките партии, училиштата, градинката  како и многу други јавни институции и граѓани од општината.

Третата обука од проектот „Учење преку работa“ финансиран преку програмата Еразмус плус на Европската унија успешно се реализираше во општината Ѓорче Петров  и помина во одлична работна атмосфера каде беа промовирани нови пристапи на учење и можност за поефикасна едукација на децата за користење на ново набавената опрема за соларната енергија. Наставниот кадар од основните училишта во општината ,во следниот период ќе имаат можност за практична имплементација на стекнатото знаење за обновливите извори на енергија на училишните часови.

По повод 11 Октомври – Ден на народното востание, делегација од општината Ѓорче Петров предводена од Градоначалникот Сокол Митровски утре (Вторник) во 11 часот во реонскиот парк вбо Ѓорче Петров, ќе положи свежо цвеќе пред споменикот на паднатите борци на НОАВМ. На свеченоста цвеќе ќе положат и преставници од Советот на Општина Ѓорче Петров, Здруженија на борци и пензионери, преставници од политичките партии, основните училишта и градинката „Росица“  како и други јавни институции и граѓани од општината.

Градоначалникот на Општината Ѓорче Петров, денес се сретна со заменик градоначалникот на збратимената општина Кушадаси, Р.Турција, г-ѓа Ајше Шерифоглу. Заменик – градоначалничката, г-ѓа Шерифоглу,  го изрази своето задоволство од посетата на Општина Ѓорче Петров, но и желбата за продлабочување и понатамошна успешна соработка помеѓу двете општини  во повеќе области.

Во општината Ѓорче Петров , децата со посебни потреби во основните училишта добија четиричасовна асистенција во текот на наставниот ден.  Во текот на целата работна недела, 15 лични асистенти, ќе им помагаат на учениците полесно да се движат низ училиштата, ќе нудат помош при користење на материјалот во текот на наставата и при извршување на сите училишни обврски. Асистентите, се очекува да им го олеснат процесот на интеграција и да остварат подобар успех при совладување на наставниот материјал, како и зголемување на свесноста на другите ученици за потребите на децата со попречености. Меѓудругото , образовните асистенти ќе има помогнат на децата со посебни потреби во прилагодување на наставната содржина во соработка со наставниcite, согласно индивидуалните образовни потреби на ученикот, подготвување на материјали за учење, насочување на вниманието во текот на часот, со цел усвојување на предвидената содржина, манипулативни активности  како пишување, цртање, сечење, моделирање доколку е потребно и  одржување на комуникација и социјална интеракција меѓу ученикот и соучениците. Проектот започна на 2 октомври и ќе трае до крајот на учебната година, а асистентите што ќе работат на проектот ќе примаат месечен надоместок од 6.200 денари. Во општината Ѓорче Петров беше организирана неколкудневна обука на асистентите за запознавање со децата, наставниот кадар, училиштето и опкружувањето. Проектот „Образование без пречки“  го спроведува општината Ѓорче Петров , во соработка со УНДП и Агенцијата за вработување, а се имплементира во сите шест основни општински училишта.