Градоначалникот на општината Ѓорче Петров, Сокол Митровски и годинава традиционално ги посети жителите во пензионерскиот дом во Ѓорче Петров. По повод Новогодишните и Божиќните празници  им ги честита изминатите празници како и големиот верски празник Богојавление- Водици. Управителот на Пензионерскиот дом во Ѓорче Петров, Махир Дураку, му се заблагодари на градоначалникот Митровски и воедно ја истакна важноста на неговите посети за домот, но и за жителите како искрена почит која не ја добивале од ниеден друг градоначалник пред него.

Денес, на празникот Водици ( Богојавление) голем број граѓани од општината Ѓорче Петров и пошироко присуствуваа на положувањето на Светиот крст во водите на реката Лепенец во с.Волково и во водите на реката Вардар кај Железничкиот мост.

На реката Лепенец, од 13те пријавени најбрзо до крстот стигна Александар Радушин од с. Волково.

 

Во четврток (19.01.2017), во општина Ѓорче Петров ќе се одбележи големиот христијански празник Водици.
Чинот на потопување на Крстот Господов ќе се изврши во 11.30 часот во водите на реката Лепенец на последната станица на автобусот “22” во Волково и во 12.00 часот во водите на реката Вардар на “Железничкиот мост” во населбата Хром во близина на “Тинекс”.
Празникот Богојавление- Водици се прославува во спомен на крштевањето на Исус Христос во водите на реката Јордан од Свети Јован и објавувањето на Светата Троица, а фаќањето на крстот означува соединување на човекот со Христа.
Водици е еден од најголемите христијански празници со кој завршуваат 12-те т.н. некрстени денови и циклусот зимски празници како Бадник, Божиќ, Нова Година (Василица) и други. На Богојавление на полноќ се верува дека се отвора небото, се појавува Бог, а луѓето му се обраќаат за да им ги исполни нивните желби. Во тој миг водите престануваат да течат и стануват лековити.
Поради ниските температури оваа година, Општинската организација на Црвениот крст апелира, верниците што планираат да влезат во водата по Светиот Крст претходно да направат превентивен здравствен преглед.

Почитувани,

ВМРО-ДПМНЕ е партија која одговорно и транспарентно работи за граѓаните како на локално така и на централно ниво.
Како градоначалник на општина Ѓорче Петров посветено работев на реализација на програмите и проектите предвидени во неа со цел да ја оправдам довербата на граѓаните. Во изминатава година, нашата Општина прослави 100 години од своето постоење како населено место и 20 години локална самоуправа. Овој голем јубилеј го одбележавме со бројни реализирани проекти кои ги планиравме, но и проекти кои не беа во општинските планови, а ги наметнаа барањата на граѓаните како и објективните потреби за ургентна реализација и тоа во сите области: во урбанизмот, образованието, детската заштита, спортот, културата, со еден збор, во сите сфери на секојдневното живеење.
И по којзнае кој пат докажавме дека нашиот збор тежи и дека секое ветување го исполнуваме.

 

Почитувани,

Утре, Вторник  ( 17/01/2017 година) во 11 часот во салата за состаноци во општината Ѓорче Петров

Градоначалникот Сокол Митровски ќе даде отчет за досега реализираните проекти во 2016 година и планираните проекти за 2017 година.

Со почит,