Денес,во општинската сала градоначалникот на општина Ѓорче Петров Сокол Митровски ги прими заинтересираните граѓани со цел решавање на нивните проблеми во надлежност на општината. Заедно со секторските раководители на  општинската администрација ги проследи барањата на граѓаните се со цел за брзо решавање на нивните проблеми.

Граѓаните во најголем дел беа заинтересирани за процесот на легализација на земјиштето, дивоградбите а како најголем проблем е насочена невработеноста. Оваа практика на првиот човек на општината ќе продолжи и во иднина. И до сега вторникот беше примен ден за граѓаните а градоначалникот Митровски ги примаше во кабинетот. Со цел работите да се решаваат во најкраток можен рок воведена е новата практика.

Денес,во центарот за култура во Ѓорче Петров градоначалникот Митровски додели благодарници на петте студенти од престижниот американски универзитет „Веслиан“Индијана-САД.

Преку забава и игра децата  од ОУ„ Мирче Ацев“ низ целата учебна година учеа за туѓите култури и народи и сето тоа знаење го преточија во една оригинална музичко-сценска претстава која, ја прикажаа во преполната сала во Центарот за култура-Ѓорче Петров. Петоодделенците предводени од наставничката Елена Апостолова ги воодушеви присутните.

Општина ЃорчеПетров зеде учество и даде свој придонес во дебатирањето за спроведување на реформи во областа на образованието на конференцијата на коалицијата за младински организации „СЕГА“ во организација на град Скопје, на тема „Стратегија за млади на град Скопје“. Целта на конференцијата беше да се потикне младинскиот активизам во повеке сфери од општествениот живот и да се зголеми информирањето и учеството на младите во активности за решавање на нивните проблеми.На конференцијата учество зедоа професори од средните училишта, невладини организации и преставници од скопските општини.

Театарската претстава , комедијата „ЖЕНИДБА“ по текст на Н.В.Гогољ беше реализирана во склоп на програмата Едукативен театар како средство за инклузија на ромите во културата. Се одигра во Домот на културата Ѓорче Петров Скопје.Претставата се работеше од септември 2013 ,а премиерата беше изиграна на 30 мај 2013.Во претставата учествуваат актери аматери од ромска припадност од општината Ѓорче Петров.Ученици од основното училиштето Страшо Пингур и од неколку средни училишта од Скопје. На овој проект работеше и претстават ја режира актерот Златко Митрески.