По повик од граѓани, експресно расчистена помала депонија 

Во близина на пазарчето во Ѓорче Петров, по информација од граѓаните кои живеат во тој дел од населбата, службите на општината веднаш излегоа на терен и го расчистија сметот кој беше насобран во околина на зградите.

Ги повикуваме жителите на Ѓорче Петров, вакви или слични проблеми и натаму да пријавуваат во општината, со цел навремено делување. Службите во изминатиот период интензивно работат на расчистување помали и поголеми депонии. Засилени се мерките и казните против неовластено депонирање, и во тој контекст, апелираме на совесност од граѓаните и максимално почитување на Законот за јавна чистота (чл.14 и чл.14-а).