Вчеравечер, на мултифункционалното игралиште во Ѓорче Петров, градоначалникот Сокол Митровски го додели пехарот и наградата од 120. 000 денари за освоеното прво место на четвртиот традиционален турнир во мал фудбал „Ѓорче Петров Куп 2017“. Во овој возбудлив спортски натпревар, екипата на „Скутери Влада Инвест Лесковац” славеше по изведувањето на пенали со 4-3, а во регуларниот дел натпреварот заврши со 1-1 за  „Светлост Куманово”. Учеството на екипата од Лесковац, Р. Србија посебно го збогати овој спортски настан која во овој состав има и играчи од фудсал репрезентацијата на Р. Србија,а додека во екипата на „Светлост Куманово“ играа играчи од фудсал репрезентацијата на Р. Македонија.

Денес над седумстотини деца од основните училишта  од Општина Ѓорче Петров го означија стартот на натпреварувачката сезона во која учество ќе земат сите шест основни училишта. Училишните екипи во голем фудбал, кошарка, фудбал, одбојка, пинг понг, тенис, атлетика ќе се натпреваруваат во текот на целата учебна година. По тој повод, денес, градоначалникот Сокол Митровски  додели спортски дресови во препознатливи бои и реквизити за сите учесници во лигата кои ќе продефилираат на стадионот „Македонски лавови“. За успешен почеток на  натпреварувачката сезона, градоначалникот Митровски на директорите на основните училишта  им   додели  и комплет спортски реквизити. 

     

Во Центарот за култура во општината Ѓорче Петров по деветти пат прозвуче новото издание на детскиот фестивал Соната. „Виновникот“ за релизацијата на овој проект на општината е професорот по музичко  Александар Китевски од ООУ „ Страшо Пинџур, кој се јавува како композитор и аранжер на овој фестивал. „Подготовките за секое издание на фестивалот вообичаено траат околу седум месеци при што се одржуваат по неколку проби неделно. Фестивалот обрнува посебно внимание на изборот на децата кои треба да пеат, се внимава текстот на песната да биде соодветен на детето кое ја изведува истата” истакна наставничката по македонски јазик, Розета Тулевска која се јавува како текстописец на овие 12 испеани песнички на младите.

Празникот на општината Ѓорче Петров, 20 Септември  ќе биде обележан со богата програма на културни и спортски настани. На 19 Септември (Вторник) во 10 ч. програмата ќе започне во знакот на спортот. Училишните спортски лиги ќе ја започнат својата натпреварувачка сезона на стадионот „Македонски лавови“  каде што сите основни училишта од општината ќе партиципираат со своите спортски селекции. Граѓаните на Ѓорче Петров ќе можат да купат и да пробаат многу македонски производи на големиот празничен панаѓур кој ќе започне во 17 часот , а ќе трае се до вечерните часови во реонскиот парк во општината. Ќе бидат изложени и рачни ракотворби и многу домашни специјалитети од вештите раце на ѓорчепетровки. Манифестацијата ќе ја отвори градоначалникот Сокол Мхитровски во реонски парк на општината во 19 часот.

Во Центарот за култура во Ѓорче Петров беше промовирана локалната стратегија за унапредување на родовата еднаквост во општината Ѓорче Петров за период од 2017-2022 година. Стратегијата ги потврдува заложбите на општината Ѓорче Петров за промовирање на еднакви можности помеѓу мажите и жените и воведување на родово одговорни политики. Истата е подготвена со поддршка од UN WOMAN – тело на Обединетите нации за родова еднаквост и зајакнување на жените.