Почитувани граѓани,
Општина Ѓорче Петров апелира за време на православните празници, во пресрет на Бадник и Божиќ, граѓаните да се воздржат од палењето на традиционалните бадникови огнови на отворено. Целта е да се сочува животната средина и да се заштити воздухот, особено по зголеменото загадување и зголемената концентрација на ПМ честичките во скопското подрачје во изминатиот период. Во врска со ова, предупредуваме дека палењето оган на јавни места е спротивно на член 14 од Законот за јавна чистота. Казната за истиот прекршок е 50 евра за физички лица. Оваа мерка на општина Ѓорче Петров е во координација со Градот Скопје, но и усогласена со градоначалниците на останатите општини.

Во Никиштане поставена е нова линија за улично осветлување во должина од 550 метри. Опфатена е комплетно нова мрежа (кабел, вандерми и сијалици), а локацијата е на самиот влез на селото.

Околу 450 пакетчиња за првооделенците во основните училишта на територија на општина Ѓорче Петров, во пресрет на новогодишните празници, денеска подели градоначалникот Александар Наумоски.

 

Градоначалникот на општина Ѓорче Петров, Александар Наумоски на своите сограѓани им ги додели 64-те решенија за легализација на дивоградбите, кои неодамна беа потпишани од негова страна.