Депонијата што се наоѓа во близина на патот кој води кон с.Орман, деновиве е целосно расчистена од страна на службите на општината. Продолжување со интензивни акции на помали и поголеми депонии и во меѓувреме, апелираме за свесност кај граѓаните во однос на фрлањето отпадоци, ѓубре и смет.

Фондот за иновации и технолошки развој денеска во општина Ѓорче Петров ги претстави можностите кои ги нуди, а се однесуваат на млади истражувачи од училиштата. Имено, проектот на Фондот насловен “Предизвик за млади истражувачи” кој беше претставен во општината, подразбира истражувачки проекти во областа на природните и техничките науки.

За потребите на земјоделците и сите заинтересирани страни од Ѓорче Петров, од понеделник (5 февруари) стартува со работа канцеларија која се наоѓа во месната заедница Ново Село. Основна задача на канцеларијата е да им дава совети и информации на граѓаните за користење на субвенции за земјоделци од фондовите на ИПАРД, да организира предавања за здрава и квалитетна храна, органско производство, испитување на почвата и водата и развивање на руралниот дел на општината, преку соодветни проекти.

Да се доделат финансиски средства на ФК “Македонија”, ФК “Волково 1964”, Здружението за популаризација и промоција на кошарката “3X3 Баскетбал”-Скопје, како и на РК “Македонија Ѓорче Петров”. Ова, меѓудругото, денеска го изгласа Советот на општина Ѓорче Петров на петтата седница.

Во организација на општина Ѓорче Петров денеска се одржа средба на дел од општинската администрација која работи во секторите култура, образование и социјала со претставници од неколку невладини организации, кои исто така делуваат во наведените сфери.