Мени

Конститутивна седница на Советот на општина Ѓорче Петров

 

Новиот состав на Советот на општина Ѓорче Петров ја одржа првата, конститутивна седница на која за претседател беше изгласана Ленче Нелоска, првата жена во историјата на општинскиот Совет која ќе го води ова тело.

Освен верификација на мандатите на членовите на Советот на дневен ред на денешната седница беше и изборот на Комисија за мандатни прашања, избор и именувања.

Градоначалникот Александар Стојкоски им честиташе на новоизбраните советници и им посака успешна работа. Стојкоски истакна дека заедно се исправаат пред огромен предизвик – Ѓорче Петров да биде убаво место за живеење, зелено, урбано и чисто.

-Чест ми е што заедно со вас ќе имам можност да впишам историја во револуционерните позитивни урбанистички чекори кои ќе ги забележи оваа општина. Приоритет ќе биде заедно да делуваме во насока на чисто Ѓорче, улиците со кал конечно да заминат во историјата, парковите да го надвладеат бетонот, децата да добијат образование по сите стандарди, а најмалите повеќе место за рекреација. Наш императив мора да бидат граѓаните – рече Стојкоски.

По формалниот дел и завршување на седницата, 23-цата членови на советот заедно со Стојкоски на симболичен начин, со засадување дрвца, го означија старот на новите 4 години мандат. Нови зелени површини е еден од приоритетите во програмата на новиот градоначалник на Ѓорче Петров.

Локацијата каде се садеше е бул.„Македонска војска“ каде во моментов дополнително се зазеленува нова површината и се гради нова урбана зона. Со тоа, овој комплекс ќе добие целосно нов модерен изглед.

Галерија

Image

of

Календар на планирани настани


Пон
Вто
Сре
Чет
Пет
Саб
Нед
 logo_iso_2021 Finansiski_indikatori Corona_virus

Поставени се колачиња (cookies) на Вашиот уред со цел да се подобри функционалноста на оваа веб страница.

Потребни ми се дополнителни информации | Политика за користење на колачиња (cookies)

Се согласувам Не се согласувам